Bakı, Azərbaycan — 23 oktyabr 2025-ci il tarixində müxtəlif dojonun məşqçilərini bir araya gətirən, təcrübə mübadiləsi və dostluğun gücləndirilməsinə xidmət edən Respublika Dostluq Aykido Klubları Seminarı keçiriləcək.

Seminara Aykido üzrə 3-cü dan sahibi Emil Məmmədov rəhbərlik edəcək. Proqramda — Aykidonun əsas prinsipləri üzərində iş: balans, nəfəs və tərəfdaşla qarşılıqlı hərəkət, həmçinin imtahan texnikalarının nümayişi və silah (təlim tantosu) ilə məşq yer alacaq.

Tədbir çərçivəsində “Aykido: Daxili Gücə Doğru Yol” kitabının təqdimatı keçiriləcək. Kitab Aykido prinsiplərinin gündəlik həyatda tətbiqinə həsr olunub. Eyni zamanda, yeni nəsil məşqçilərin hazırlanması üçün metodika və Aykido prinsiplərinə əsaslanan, posttravmatik stress pozuntusu yaşayan insanlara dəstək məqsədli ABSI proqramı təqdim ediləcək.

Seminar bütün klublar və KİV nümayəndələri üçün açıqdır.

Təşkilatçı: Azərbaycan Aykikai Aykido Klubları İctimai Birliyi
Keçirilmə yeri: Emin Dojo, Emin Aykido Klubu, Qara Qarayev metrosunun yaxınlığı, Bakı şəhəri, Nizami rayonu, Azərbaycan
Əlaqə / qeydiyyat: [ ]