Aykikay Aykido Klubları İctimai Birliyi, Azərbaycan ərazisində AYKİKAY və Beynəlxalq Aykido Federasiyası tərəfindən tanınmış yeganə rəsmi aykido təşkilatdır, hansı ki, müvafiq şəhadətnamələr ilə təsdiqlənmişdir. İctimai Birliyimiz beynəlxalq arenada Azərbaycanı təmsil etmək hüququna malik olan tək hüquqi təşkilatdır. Təşkilatımız, AYKİKAY (BAF) nizamnaməsinə əsasən, KYU və DAN dərəcələrinin verilməsi üçün imtahan qəbul etrmək hüququna malik olan yeganə rəsmi təşkilatdır, Tərəfimizdən verilmiş KYU və DAN dərəcələri, eləcə də təlimatçı lisenziyaları, Azərbaycanı beynəlxalq aləmdə təmsil etmək hüququnu verir.

İlham Quliyev
5 Dan Aykido
Baş imtahançı
www.sensei.az

12.01.2021 – ci il tarixində etibarən, 6-cı kyu dərəcəsindən  1-ci dana (6-1 Kyu) kimi imtahan qəbulunun keçirilməsi birliyin nəzdindəki klubların imtahan komissiyasının səlahiyyətinə verilir. Bununla əlaqədar birliyin klublarında imtahan komissiyaları yaradılır və imtahan qəbulu, komissiya heyətinə həvalə edilir. İmtahan Komissiyasının 1 imtahançısı və 2 asistenti olmalıdır. Klub üzrə imtahan komissiyasının 1 (bir) üzvü, Birliyin İmtahan Komitəsinin tərkibində olmalıdır. Birliyin İmtahan Komitəsinin tərkib hissəsi, ümum klublardan 1 nəfər seçilməklə yaradılır. Birliyin İmtahan Komissiyasının sədri və baş imtahançısı, birliyin texniki direktorudur. Klublar üzrə komissiyaya imtahançı təyinatı yalnız 3 Dan və yuxarı dərəcə sahibi ola bilər. 2 Dan sahiblərini imtahançı təyin etmək qəti qadağandır !

01.12.2017 – ci il tarixində Aykikay Fondunda Azərbaycan üzrə imtahançı adı ilə qeydiyyata alınan ilk aykidoçu, birliyin imtahan komitəsinin sədri İlham Quliyevə icazə verilib. İcazəyə görə İlham Quliyev 1-4 Dan dərəcələrinə imtahan qəbul edə bilər !

01.07.2024 – cü il tarixində Azərbaycan Aykido Komitəsinin sədrinin qərarına əsasən, Aykikay Fondunda Sənan Həsənzadə və Tofiq Nəcəfova, öz klublarının heyəti üzrə 1 və 2 Dan dərəcələrinə imtahan qəbul etməsinə və Aykikay Fondunda imtahançı statusu ilə dərəcələrin təsdiqlənməsinə icazə verildi. Hələlik bu qərar, Aykikay Fondunda qüvvəyə minməyib !

Bununla yanaşı, 01.07.2024 – cü il tarixində Sənan Həsənzadə və Tofiq Nəcəfova, öz klublarının heyəti üzrə 3 və 4 Dan dərəcələrinə imtahan qəbul etməsinə icazə alıblar.

• 3 Dan dərəcələrinin Aykikay Fondunda imtahançı statusu ilə təsdiqlənməsinə icazə, klub rəhbəri olan 5 Dan dərəcəsi alan təlimatçıya veriləcək.
• 4 Dan dərəcələrinin Aykikay Fondunda imtahançı statusu ilə təsdiqlənməsinə icazə, klub rəhbəri olan 6 Dan dərəcəsi alan təlimatçıya veriləcək. 

• 12.05.2022-ci il tarixindən başlayaraq birliyin nəzdində olan aidiyyatı klubların tərkibindəki aykido docolarının təlimatçılarına, öz şagirdlərinə 6-3 Kyu imtahan dərəcələri üçün imtahan qəbulu götürməyə icazə verildi. Beynəlxalq qaydalara görə, hər şagird öz məşğul olduğu docoda imtahan verməlidir.
• Klubların nəzdində olan qrupların birgə imtahan qəbuluna yalnız qrupların birgə razılığı olduğu halda ümum imtahan qəbulu keçirilə bilər.
• 2-1 Kyu dərəcələri üçün imtahan qəbuluna klubun imtahan komissiyasının tam şəkildə olduqda imtahanı qəbul etmə səlahiyəti verilmişdir. 
• Birlyin nəzdindəki klublar tərəfindən 2-1 Kyu dərəcələrinə imtahan qəbulunun birgə keçirilməsinə icazə verilir. Bu hala klubların kollegiyasının birgə qərarı olduqda icazə verilir.

İmtahana buraxılma şərtləri

“Aykikay Aykido Klubları” ictimai birliyində imtahan, yalnız birliyin üzvləri üçün aparılır.

İmtahana ərizə verilməzdən əvvəl, namizəd imtahana qəbul üçün tələblərə cavab verdiyinə əmin olmalıdır. Qəbul şərtləri minimum olaraq göstərilmişdir.

Ərizəçi imtahana iştirak üçün buraxıla bilər, əgər o:

• Təqvim ili üzrə müntəzəm olaraq həftədə ən azı 3 dəfə “Aykikay Aykido Klubları” ictimai birliyinin klublarının birində məşğul olur;
• Müraciət ərizəsi verildiyi zaman “Aykikay Aykido Klubları” ictimai birliyinin klublarında, nəzərdə tutulan dərəcə üzrə dərs təcrübəsi və illik üzvlük haqqının gecikdirilməsinin olmaması gərəkir;
• Məşğul olduğu qrupun təlimatçısı tərəfindən, imtahanda iştirak üçün ərizəsi olmalıdır.

İmtahan üçün ərizənin verilmə qaydası

1. İmtahana dair Dan dərəcəsi üçün ərizə klubun  1 aydan və Kyu dərəcəsi üçün 15 gündən gec olmuyaraq aidiyyatı klublar üzrə qrupların təlimatçılar tərəfindən klublar üzrə rəhbərə təqdim olunur.
2. İmtahan öncəsi (imtahana 3 gün qalmış) təsdiq olunmuş siyahı, aidiyyati klubların rəhbərliyi tərəfindən İmtahan Komissiyasının katibliyinə verilir:
   • İmtahan tariflərinə uyğun olaraq qeydiyyat haqqı;
   • Budo-pasport (Yudanşa və kyu dərəcə kitabçası).
3. İmtahanın sonunda Attestasiya nəticələrinə dair bir protokol tərtib edilir. Attestasiyanın nəticələri, yarım ildə bir dəfə Aykikay Aykido Klublarının rəsmi saytında dərc olunur.
4. Namizəd imtahandan keçmədikdə, ona qeydiyyat haqqı 90% olaraq geri qaytarılır.  Kyu üzrə növbəti attestasiya növbəti imtahan zamanı (2 və 1 kyu üçün 6 aydan), Dan üzrə isə 1 ildən tez olmayaraq mümkündür.
5. Qaydaların 2-ci bəndi yerinə yetirilmədikdə, namizədə imtahan verməyə icazə verilmir. Növbəti Attestasiya “Azərbaycan Aykikay Aykido Klubları” təqviminə uyğun olaraq, təyin edilmiş imtahan qəbulunda mümkündür.
6. “Azərbaycan Aykikay Aykido Klubları” İmtahan Komissiyasının sədri (ictimai birliyin sədri), Dan dərəcələri üzrə namizədin imtahan qəbulunda iştirakını dayandırmaq hüququna malikdir. 1 Dan və 2 Dan dərəcəsi qəbul imtahanının dayandırılması barədə qərar, namizədə imtahan verildiyi gündən ən geci 5 təqvim günü əvvəl, 3 Dan və daha yüksək dərəcə üçün isə 10 gündən gec olmayaraq bildirilir.

İmtahan nəticəsinin təsdiqlənməsi qaydaları

1. Kyu imtahan qəbulundan 3 gün keçdikdən sonra, imtahanın protokolu birliyin ofis menecerinə təqdim edilir. İmtahanın protokolu alındığı tarixdən etibarən 5 gün müddətində, İmtahan Komissiyası sədri nəticələri təsdiqləyir.
2. İmtahanın nəticələrinə əsasən, imtahanı müvəffəqiyyətlə verən namizəd, müəyyən edilmiş nümunə üzrə sertifikat (və budo pasport) alır. 2-cü Kyu dərəcəsindən başlayaraq, qeydiyyatdan keçdikdən sonra şagird üzvlük kartı (vəsiqə) alır.
3. İmtahanın nəticələrinə əsasən suallar yaranarsa, imtahan komissiyanın sədri imtahanı qəbul edən aidiyyatı klubların imtahan komissiya heyəti tərəfindən məsələnin aydınlaşdırılmasını tələb edir.

“Aykikay Aykido Klubları” ictimai birliyinin illik üzvlük haqqını ödəməyən üzvlərinin imtahanda iştirak etməsinə icazə verilmir.