Aykikay Azərbaycan (Aykikay Aykido Klubları İctimai Birliyi) 29 avqust 2011 – ci tarixində Azərbaycan Respublikası Ədliyyə Nazirliyində qeydiyyata alınmışdır. 1 oktyabr 2011 ci ildən etibarən Aykikay Azərbaycan, Dünya Aykido Mərkəzi (AYKİKAY Hombu Dojo) ilə bir başa rəsmi fəaliyyətə başlamışdır. Aykikay Azərbaycanın yaranması tarixi, Kuribayaşi Takanori Şixanın Azərbaycana ilk gəlişi ilə başlamışdır. Aykikay Azərbaycan tam Aykido təşkilatıdır və Dünya Aykido Qərargahı qaydalarına və nizamnaməsinin təlimatına  uyğun olaraq, Aykido döyüş sənətinin təlimi üçün təsisçi ilham Quliyev tərəfindən yaradılmışdır. 1 Dekabr 2017 – ci il tarixində Aykido Doşu Moriteru Ueşiba (AYKİKAY Hombu Doco) tərəfindən rəsmən Azərbaycan üzrə əsas aykido təşkilatı olaraq tanınmışdır.  Aikikai Azərbaycan, 18-23 sentyabr 2012 – ci il tarixlərində 11 – ci Beynəlxalq Aikido Federasiyası Konqresinə iştirakçı təşkilat olaraq qatıldı. 2019 – cu ildə Beynəlxalq Aykido Federasiyası, Aykikay Azərbaycanın daimi üzvlük və nümayəndəlik təşkilatı olmaq üçün müraciətini qəbul etdi. Beynəlxalq Aikido Federasiyasının 13 – cü Aykido Sammiti, Covid19 pandemiyası səbəbiylə 2020 – ci ildə təxirə salındı. Aykikay Azərbaycan xx.10.2021 – ci ildə Beynəlxalq Aykido Federasiyası tərəfindən rəsmi tanınmışdır və Azərbaycan üzrə nümayəndəlik statusun almışdır.

Aykikay Aykido Klubları İctimai Birliyi, Hombu Doco Azərbaycan Aykikay Aykido Klubu, Katana Aykido İdman Klubu İctimai Birliyi, Sərbəst Döyüş İdman Klubu İctimai Birliyi, Şinjutsu Aykido İdman Klubu İctimai Birliyi.

Qeyd: Siyahıda adı olmayan və Azərbaycan ərazsisində aykido adı ilə fəaliyyət aparan təşkilatların heç biri, AYKİKAY (Yaponiya ilə) və Beynəlxalq Aykido Federasiyası ilə heç bir əlaqəsi olmayan təşkilatlardır.